الرئيسيةالتسجيلدخول
منتديات ليبيا توب نلتقى لنرتقى إدارة المنتدى

 

 غناوي علم و شتاوات على القديم و الجديد فقط

اذهب الى الأسفل 
كاتب الموضوعرسالة
بسمة أمل
مدير
مدير
بسمة أمل

انثى عدد المساهمات : 2663

غناوي علم و شتاوات على القديم و الجديد فقط Empty
مُساهمةموضوع: غناوي علم و شتاوات على القديم و الجديد فقط   غناوي علم و شتاوات على القديم و الجديد فقط I_icon_minitimeالسبت مارس 13, 2010 7:07 am

غناوي علم و شتاوات على القديم و الجديد فقط


تباعد يالقديم وطز**** جديد أمعيشنى فى عز

نا وقديم اليوم الباين**** كلتنا عالاخر هاين

سموحك يالقديم معاك**** يسدن ذّكريات غلاك

جديد ما يداوى جرح>><< راضيهم قديمين خير لك

مصيون ياقديم غلاك>><<فالقلب ماجديد ايزاحمه

لاقديم داير خير @ ولا أقدرت للناس نقرضة

دز قديم ايريد إيصالح ~ مايحساب كلاه المالح

تربح يالقديم اخطاني ~ تاخد سو اللي داواني

إنعبيهن الانظار رديم ~ كان التفتن شور قديم

بالموت مادعيت عليه @ أجعل قديم لامال لاضنا

اتصدق ما يصدقها حد اقدم شالوني شور اجدّ

حلال يا الجديد عليك ***العقل كان جبته من القدم

اللى خلتنى قاعد حى ... ... اقدم مازالو يطرو فى

الله ايهدك يا النصيب ...... ...... اللى ما بيت قديم اتجيب

قديم مخلفلى وسواس......عليه اندور بين الناس

تبكى بغيض فيه ارياف.....العين على القديمين خلها

زهاهة قديم ايام...... اوبكاها على طول عمرها

عليه نخطرو يا عين ..... ..... قديم الغلا باهى اللى

تربح ياقديم وعدى ،،،،،،،،،، مامن اللى راحت من يدى
الرجوع الى أعلى الصفحة اذهب الى الأسفل
بسمة أمل
مدير
مدير
بسمة أمل

انثى عدد المساهمات : 2663

غناوي علم و شتاوات على القديم و الجديد فقط Empty
مُساهمةموضوع: رد: غناوي علم و شتاوات على القديم و الجديد فقط   غناوي علم و شتاوات على القديم و الجديد فقط I_icon_minitimeالسبت مارس 13, 2010 7:12 am

عرفينــــــــــــا دواء لجــــــــــــرح .... .... قديــــــــــــم غيــــــــــــــر ماجــــــــــــــاء صدافنـــــــــــــا

و ما اقدرت شى ننساه ....... قديم الغلا غالى على

نريد في قديم أدعوة ... يخرف ويشيب ومايلقولا دوا

احمول شلتهن وارضيت***امفيت غيبت القدم

أول شروطى ياجديد .......... قديم الغلاء ماينتسى

سفيت عالقديم رديم … ..وان قصر جديد هو زاد نردمه

بكونة أيهون أيهون @ قديم غير تبيله أشوى


عليش الدمعه ابكى دم ....................... على خطبة ناسك لقدم

يالقديم تعال ابروحك ..... بيش اتشوف سطير اجروحك

كيف قديمى كيف جديدى .... ... متفقين على تشريدى

كبير ع البكاء وبكيت @ بعد قديم قالولى نشد

لو أيدير ما أيدير جديد @ دواء العين فى أيدين القدم

البارحة كيف عرفت جديد .. بعثلي قديم اليوم صورته

مجروح خاطري من حسد جديد .. مسامح امغير انراضي في القدم

تقطيع ما عليه اطعمه ...... بعد قديم هذا نومنا


ايجيب من اوصاف قديم @ لحقت جديد عيني الواهمه

عليكم راحت يالقدم جديد بدا يجرى فى الدم

اسهيت بلقديم نطقت احذا جديد وحعته بكاء

جميل الجديد كبير....... عدا وجاب عقلى مالقدم
الرجوع الى أعلى الصفحة اذهب الى الأسفل
قلم البيضاء

قلم البيضاء

عدد المساهمات : 12

غناوي علم و شتاوات على القديم و الجديد فقط Empty
مُساهمةموضوع: رد: غناوي علم و شتاوات على القديم و الجديد فقط   غناوي علم و شتاوات على القديم و الجديد فقط I_icon_minitimeالثلاثاء أبريل 20, 2010 2:49 pm

قديم قلتلها واندمت...أنسنى وانسينى وماأنتساها
الرجوع الى أعلى الصفحة اذهب الى الأسفل
بسمة أمل
مدير
مدير
بسمة أمل

انثى عدد المساهمات : 2663

غناوي علم و شتاوات على القديم و الجديد فقط Empty
مُساهمةموضوع: رد: غناوي علم و شتاوات على القديم و الجديد فقط   غناوي علم و شتاوات على القديم و الجديد فقط I_icon_minitimeالثلاثاء أبريل 20, 2010 5:54 pm

تربح يالقديم اخطاني ~ تاخد سو اللي داواني
الرجوع الى أعلى الصفحة اذهب الى الأسفل
بسمة أمل
مدير
مدير
بسمة أمل

انثى عدد المساهمات : 2663

غناوي علم و شتاوات على القديم و الجديد فقط Empty
مُساهمةموضوع: رد: غناوي علم و شتاوات على القديم و الجديد فقط   غناوي علم و شتاوات على القديم و الجديد فقط I_icon_minitimeالأحد أبريل 25, 2010 9:13 am


{ عالصمت بكيت عليه . غياب عزيز اليوم هزني }



{ قدامك وبين يديــــك . سماحة الغلا مو مراسله }



{ دقيقه مع لــــــولاف . تسوى العمر يابال يقسمو }



{ متقاسمين نا او عزيز . ظليمة الرجا بيناتنــــــــا }



{ العقل غير عزمه زين . الوقت فيه موداير اشوي }



{ انتم اعزاز نين انموت . واصحاب صوب ديما يا علم }



{ لقسام والغلا والعمر . هذين فيد مولاي امرهــــــــــــــن }



{ غلاء أعزاز يوم ابيوم . ايزيد كيف ما يزيد عمرنـــــــــــا }



{ حتي على فـــــراش الموت . غلاك يا عزيز اوسادتـــــــي }



{ عزيز هو رفيق الدرب . حبيب عمر موحال ينتســــــــــــــــه }



{ هفو عليه ناض خليع . العقل وين مانومه حلــــــــــــــــــــــــى }



{ كان في غلاهم قسم . اعزازما علينا يصعبـــــــــــــوا }



{ بعد قديم مانحساب . نلقاء جديــــــــــــــــــــــد يستاهل غلاء }



{ انريد يا عزيز امعاك . ميعاد يمحى جميع مــــــــــــا في عبرتي }



{ غلا عزيـــــــــــزما ينزان . غلا الروح والروح غاليـــــــــــــــــة }



{ خليها علي لقســـــــــــــــــام . ان صار صار مصار اجحــــــــــــــدي }



{ نسيوني ودارو عـــــــــــــزم . اللي علي ياما رجبـــــــــــــــــــــــــو }



{ لو كان غير فيك ايطــــــــــول . عندي العقل يامــــــــــــــــا ايقولك }



{ العقل من مدار الوقت . اقرب الناس مـــــــــــــــــــــاعاد يعرفـــــــه }


{ من دونهم أعباد الله . لقســــــــــــــام ليش فينا يظلمـــــــــــــــــــــن }


{ خلاني أغياب عزيز . أطرش كفيف في دار خالــــــــــــــــــيه }


{ انخاف من الرجا والعمر . يساون ولا صـــــــــــــــــار من الغــــــــــلا }


{ امعا عزيز ريت ايام . فيهن دلال ومـــــــــــرمدة }


{ بكيت مابكوا لبكي . ميت ضمير لولاف قيســــــــــــــــــــــــــم }


{ تنساني وتلقي عذر . انخاف ياعزيز اديرهــــــــــــــــــــا }


{ احسبني ياعزيز امعاك . في نومك وفراشك وغطـــــــــــــــاء }


{ املكو العقل بلي فيه . ألهم اتقول مولاى خالقـــــــــــــــه }


{ صابر ايراجي فيك . عندي العقل ماغيرك عشـــــــــق }


{ توار او قال نصيب . عزيز وين في صوبي وحـــــــــل }


{ مازلت يا العزيز عزيز . منازل الجفا مانك الهـــــــــــــن }


{ امنيش يا عزيز او ليش . انموت فيك من دون العــــــــــــــرب }


{ كمين نار قايس لذع .. ابردن فيت مانار الغنـــــــــــــــــى }


{ انسيهم اللي نسيوك . وشقي ابكبرنيران غـــــــــــــــــيرهم }


{ الله لايجيب نهار اعزاز . فيه يبقوالــــــــــــــــغيرنا }


{ من بين دين الياس . سبحن كيف قسمي جابلــــــــــــــي }


{ يجارن وهو جراي . سبق الياس لقسام ع اـــــــــــــــــــــــــــــــــــــلغلا }


{ متامسكين ياس وقسم . انظر غلاى فيد ن مـــــــــــــــــــن ايجى }


{ اطناش وثمان اسنين . عزيت في عزيز ومـــــــــــــا قسم }


{ اجعل عزيز يامولاي . امفيت لى موقاسم لـــــــــــــــــــــــــــــــحد }


{ ياعزيز وين تغيب . ما يجيب لـــــــــــى خير خاطـرى }


{ خليت خاطرى للناس . لهـاوة عليـه يميعـــــــــــــــدوا }


{ ايام زهوتي ابغلاك . مرض او مات يا ريت خــــــــــــــــــــاطري }


{ خاطرى مكسور من قبل . امشو عليه بشواش يـــــــــــــــــــــا جدد }


{ يبقى حزين نين ايموت . الخاطر عزا فــــــــــــــــــى فراقهم}


{ قفزات خاطري م النوم . اسبابه الغنايا وجرحـــــــــــــــــــــــهم }


{ كريت الغطا وبكيت . بشويش نين فضيت خـــــــــــــــــــــــــــــــــــــاطري }


{ في العقل واخدين مكان . ياللي عزاز ماعـــــــــــــــــــــــــاد تنتسوا }


{ العقل في عقاب الليل . هفو عليه لولاف مــــــــــــــــارقد }


{ للعقل يا غلا تميت . دوا اوقات واوقات عــــــــــــــــــــــلتا }


{ متكدر ومالا روقه . بلاشوفتك يلي جميل التوقه عندي الــــــــــــعقل }


{ بعدى ويش درتوا فيه . عزيـــــــــز وين قابلنى بكـــــــــــــــــــــ ـى }


{ غفيت ما نريد اعزاز . اوعيت جرتى باكيلــــــــــــــــــــــــهم }


{ نسرق انظري شور قديم . نلقى انظرة شورى ســــــــــــــــــــــــــــــــارقة }


{ كاره مداعى الصوب. لانريد قديمين لاجـــــــــــــــــــــــــدد }


{ كذاب من ايقول الجرح .بعد قـــــــــــــــــــــــــــــــــــــــــــــــــديم داويته ابرى }


{ العقل وين ما نداعوه . ع غير القـــــــــــــــــــــــــــــــــــــــــدم توجعه }


{ مكبورة الجديد اعلقت. تقاوت مع نار الـــــــــــــــــــــــــــــــــــــــقدم }


{ اتقول عايبات اعياب . ويشلن على دار الـــــــــــــــــــــــــــــــــــــــــــقدم }


{ تفسيره ابقطع اقسام. منامى اللى جاب الـــــــــــــــــــــــــــــقدم }



{ ايموت ركن يولع ركن . اندثمرو فيك يانار القـــــــــــــــــــــــــدم }


{ العقل ما عليها زاد . سهراية القديمين ســــــــــــــــــــادا }


{ العقل مالكه القــديـــم . مكان لجدد مـــــــــــــــــــــــــــا عاد عندنا }


{ حتي وانت فيك النار . مازلت خضر ياعود الـــــــــــــــــــقدم }


{ لو درت عالجديد جديد . يبقي قديم هو صاحب الـــــــــــــــــــــغلا }


{ خطم رحيل فيه اعلقت . اوهمت فيه نحسابا الـــــــــــــــهم }


{ مليت من خلا لوهام . وتقدر اتقول حتى مـــــــــــــــــــــــــن البكا }


{ ينساك من افعالك فيه . وجيك من امرارات الغـــــــــــــــــــــــــــــلا }



{ طبيبا ايقول اخذوه . ايطول هله ما ايطول عجلــــــــــــــــــــو }


{ مايروق غير امعاك . العقل عقلي ونا عارفــــــــــــــــــــــــــة }



{ حســـــــــاد ما لهم حاجات . علــي غلاي داروا مـــــــــــــــــــــــــــراقبة }



{ غلا عزيز مالحســـــــــــاد . كمل مــــــــــــــــــــــــــهامته غيـــر بالنظر }



{ اللي احسدك صــوب عزيز . يعيش لا نبا لا عافيــــــــــــــــــــة }



{ حساد تابعين غلاي . قصـــــــــــــــــــــــــــوا جرايره نين حوددن }


{ حســاد خربولي صـــــــوب . امفيت ذنب ما شــــــــــــــــي حصلوا }
الرجوع الى أعلى الصفحة اذهب الى الأسفل
 
غناوي علم و شتاوات على القديم و الجديد فقط
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: (*·.¸منتدى الأدب والشعر والخواطر و القصص والروايات.¸.·*) :: غناوي علم-
انتقل الى: