غيراعترف و مسامحك... ما انريد منك شى غير اعترف من صالحك... بالك الحق على لك عام مانك صافى... وين ما اتغيب اتطول حتى فى كلامك جافى... مانك حبيبى لول يانا مش فاهمك... وانتا اتساير فيا يافى غيرى شاغلك... و خايف اتقولها
**********
زيد يازمان اقهرنى وسع اجروحى زين ما تعبرنى خود غايتك ... زيد اوجاعى قول يا زهاعدى اومالك داعى اضغط على قلبى الى ملتاعى على حب راح وفى الكنين سعرنى زيداهمومى سيل ادموعى نين يجفل نومى املا حياتى نو زيد اغيومى وفجر انهار الحزن من ينبوعى
*********
مانك الا غلطانه...حسك رقيق وشفرتك ليبيانا ترنى عقاب الليل
يامريوحه ...ويا قاعده فى الحوش كيف اللوحه...انا عارفه النقال كيف اطروحه ياكبر خوفى تطلعى شوشانا
*********
ياما بكيت عليها... وهي زاد تبكي ونا انودع فيها ... يوم السفر
مـاني نـاكــر... بكايا عليها في الصباح الباكر وهي زاد تبكي ماسكه التذاكر... امنين ما ايديا لامسن ايديها صار الوداع مغير ماني فاكر... مغمي علينا كل حد فيجيهه
يـكـيـت بـحـرقـه ... ونا ف الصعود وفي السلالم نرقى سيل م الدموع النازفه بالدرقه ... بيدي انكفف غير واحل فيها الله لاتعودك يا أيام الفرقه ... امجرّب وغيري ما انودّه بيها
********
تخطر ديما .. لك في حنايا القلب قدر و قيمه لو كان ماتخطر اتكون ظليمه
***********
حسيتا بدا بالنقص بعته عزيز قبل ايبيعني
**********
هي كاينه صارت و ديما اتصير يرخيني عزيز و يعتني بالغير
**********
راجيتهم ما جوني علي كل جيها نلتفت خلوني اعزاز طولوا
*********
واجب عليا ذكره حتي لو دفني في هوامش فكره يبقا حبيبي واجب عليا ذكره .
********
تسوي تفله " يااللي سكنت الخاطر ساعة غفله الدنيا بلاك أعييييييه " تسوي تفله .
*********
مازلت نا هونا لادرت حوش ولا لقيت مراء انموت خيرلى مازال نا العزابى ومازال نرجا فى القروض وعابى ومازال تحت الحيط نا وصحابى لابيع بعنا ولاهناك شراءو ياصاحبى بالحال مانك غابى تمت علينا جايزهالزكاه
********
كل يوم تام رصيدى.... وانتى ترنى طالبه مواعيدى نسلف وناخد دين ماهو بيدى....الله يلعن النقال فيه حصلت
*********
ياريت ماهو ماكن .. وياريت حبك فيا ماهو ساكن لا حن قلب ولا عيون تباكن .. ولا العقل منك شال جاي وغادي يا ريتني متهني .. لا بجرح نشكي لا غلاك سكني ولا بقيتي جزء فيا ومنّي .. ولا تخطري وقت انجي لوسادي
********** خائف يصير معاى كصدام.....وياخد غلاى معاك حكم اعدام. خائف تصير الخونه... وتنسىغرامى ياعزيز اتخونه... نهار عيد تذبحنى بكل رعونه....يشمتوا فيا عقاب اقزام
**********
المكياج يا البنات موش حضاره المكياج جاكم من بلاد نصاره
*************
إيريح روحه يشرب من البحر ولايفجر روحه اللي ماعرف أزويلك إيريح روحه
*********
خايف إيصيير اعباده غلاك اللي سطا علي القلب نين تمادا يارب سترك
*******
لو حسيت بالم في رجليك ماتستغربش هضا من كثر ماأتجي وتمشي علي بالي
***********
ميت فيك الله يرحمني ياظالمني حتى من نومي حارمني
*************
كل الكلام اشوي في وصفك يا العزيز علي لو كان نكتبه
**********
رن وسكر في قلب مايحمل بلاك وفيك إيفكر ماتخاف نفتح عليك رن وسكر
************
ياالولاف انجيكم سرقه كلا من كبدي المنحرقه
************
قيسك ياعيني مسحوره ننهى فيك وتمشي شوره
***********
الفهد
عدد المساهمات : 1389
موضوع: رد: مسجات ليبية الثلاثاء مارس 16, 2010 6:02 pm
بارك الله فيك
بسمة أمل مدير
عدد المساهمات : 2663
موضوع: رد: مسجات ليبية الأربعاء مارس 17, 2010 4:05 pm
الثلاثاء مارس 16, 2010 3:55 pm
