هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
منتديات ليبيا توب نلتقى لنرتقى إدارة المنتدى

 

 مسجات شرقاوية ... على الجرح طوووووول

اذهب الى الأسفل 
2 مشترك
كاتب الموضوعرسالة
بسمة أمل
مدير
مدير
بسمة أمل


انثى عدد المساهمات : 2663

مسجات شرقاوية ... على الجرح طوووووول Empty
مُساهمةموضوع: مسجات شرقاوية ... على الجرح طوووووول   مسجات شرقاوية ... على الجرح طوووووول I_icon_minitimeالجمعة مايو 07, 2010 3:12 pm

مسجات شرقاوية ... على الجرح طوووووول

غلاكم عندي موش اشوى .. وحق الحي بعدكم .. ماعاد نبي شي


إيريح روحه .. يشرب من البحر ولايفجر روحه .. اللي ماعرف أزويلك... إيريح روحه

العين رايفت .. والتغطيه تعبانه.. انطول الغوالي كيف؟ يا ليبيانا

لاريش ولا جنحان بيش انطيرو وامرايف عليك ... وايش إنديرو

نسهى ونقسى إندير روحي ناسي ..نلقاك وسط النبض وبين انفاسي

أمغير تبقى راضي انسيب الدوا ويبرن جميع أمراضي.... إلاجفاك مانحمله


خايف إيصير اعباده ... غلاك اللي سطا علي القلب لين تمادا ... يارب سترك

ميت فيك ... الله يرحمني ياظالمني ... حتى من نومي حارمني


يانوم كيف الراي ... لاجيت ولا جبت العزيز أحذاي ... والليل مطوله


رن وسكر ... في قلب مايحمل بلاك وفيك إيفكر .. ماتخاف نفتح عليك .... رن وسكر

إغيابك داير جو قلق ... النوم سرق ... وجيج ... انكان اتريد الحق


يامرسال اخلطني بيهم.... ميت موت ارياف عليهم...


نحسابك يا عين اعقلتي ~نضتي قلتي ~ وين عزيز وصوتك شلتي.


ميت لي زمان دفنت ..... صوب قديمين اتعيش انت


ماتنام ونامت ::: كفارة 3 ايام عيني صامت:::حلفت بعدكم ماتنام ونامت:::


ماهي عليك غريبه..... ياقسم لوتنوي عزيز اتجيبه


ما هي نزوه ..... أخترتك حبيب لروحي وظل وعزوه..موش مصلحه صوبك..وما هي نزوه..

يلعن بوهن...الشوق والغلا والصوب.ما نبوهن..لو كان ماهن لك ..يلعن بوهن.


من هذي يا عزيز انخاف.. ناخذ عليك ومني توتخذ..


مادا يعني.......من يوم رحل بالشوق ماودعني...... عزيز فاتني ياناس

والرد عليها.........

هذا يعني ...

يعني باعك....بعد ماتمسكن لين تم خداعك........بعد مارشقلك حربته في أظلاعك....وهدا اللي يعنيه ماذا يعني


ياحنون اعربلي.....ان كان الغلا مرفوع ... ليش الشقا ناصبلي ؟؟؟


كانك نويت جفانا ......وتي الكفن والموت والجبانة.......وطابور العزا


مازال فيه مجال .. ياسع اعيوبك ياعزيز تعال خود غايتك ....


وفي تابوتي ... اليوم طيفهم لا حق جنازة موتي .. تحت الكفن جاني ....وفي تابوتي


كيف شريفه ... هابت غلا بوشهاب وانا كيفه..... ياخايفه من الصوب .... كيف شريفة


بدري بدري......انكان في عين العزيز ينقص قدري ايجيبك اللــــــه يا موت .......بدري بدري


جيش غلاك تراصف عندى لاغايب ظابط لا جندى


راني انودك وراهن يفرقن حتى صوابع يدك منيش كيف الناس راني انودك


من خالقك يا ويلك يوم لحساب اسموح ما نعطيلك ظلمتني يا غالي من خالقك يا ويلك


مـن قـالـك تخـطـر عـلـي مـافـيـه يـــوم ذكـرتــك
ولا يــوم لـــك حـنـيـت لاعــــبــــرتـــــك
ولاجـبـت مــرة سـيـرتـك ولاشاغلـتـنـي حـيـرتــك
ولاجال طيفك في خيال احلامي
ولاسهرت لاشاكيت فيك ايامي
من قبل لاتزعل جميع كلامـي
اللي فات خوذه عكس ماخبرتك


دونك.. دونك..
عقوبة الخاين كيف في قانونك..
الخاطر استنجد بيك... دونك.. دونك..


دونك فزعة..
الغالي رحل مانظن عندا رجعه..
نهار خونته ياخوي شينك فجعه..
تصور بعد نصك الثاني يخونك..


حنون معاي..
لاتغيب عني ولا تهون غلاي
خليك يالغالي
حنون معاي..



مسجات شرقاوية ... على الجرح طوووووول 958unirj1ry0
























الرجوع الى أعلى الصفحة اذهب الى الأسفل
الفهد

الفهد


ذكر عدد المساهمات : 1389

مسجات شرقاوية ... على الجرح طوووووول Empty
مُساهمةموضوع: رد: مسجات شرقاوية ... على الجرح طوووووول   مسجات شرقاوية ... على الجرح طوووووول I_icon_minitimeالخميس مايو 13, 2010 2:55 pm

مشكوره ودمتي بخير
الرجوع الى أعلى الصفحة اذهب الى الأسفل
 
مسجات شرقاوية ... على الجرح طوووووول
الرجوع الى أعلى الصفحة 
صفحة 1 من اصل 1
 مواضيع مماثلة
-
» مسجات مضحكة
» مسجات العيد
» مسجات ليبيه
» مسجات منى لكم تفضلوو,,,,,,,,
» مسجات العيد

صلاحيات هذا المنتدى:لاتستطيع الرد على المواضيع في هذا المنتدى
 :: (*·.¸منتدى التقنية والكمبيوتر والإنترنت والموبايل.¸.·*) :: قسم النقال-
انتقل الى: