هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
منتديات ليبيا توب نلتقى لنرتقى إدارة المنتدى

 

 ايمتى

اذهب الى الأسفل 
2 مشترك
كاتب الموضوعرسالة
العمدة

العمدة


ذكر عدد المساهمات : 1099

ايمتى Empty
مُساهمةموضوع: ايمتى   ايمتى I_icon_minitimeالخميس يوليو 15, 2010 5:46 pm

ايمتى عالاولاف اعزوم..... قنيت او طيبتك يا نوم

ايمتى يالي دارك موح.....
اتجي واداوي في اجروح

ايمتى عمري قتلك لا ........ابكاك القيته لي دوا

ايمتى ياعقل المرسال ..... ايجيك بلاقولة مازال

ايمتى شققتي يا عين....
او درتي من المنتوج خزين

ايمتى عمري درت غلا .....
وما تمالى قطع الوا

ايمتى عمرك درتي راي....
او جاب الي متموح جاي

ايمتي عمرك ريتا صار.....
جمل ويزابي فيه حوار

آيمتى يا العزيز خطاك ....
اتلايم وانلايم مسداك

ايمتى تفتكى من الياس ......
ويبقى كيفك كيف الناس

أيمتى يا عينى خطيوك ........ اقدم حتى فى النوم ايجوك

آيمتى تلقيهم يا عين ..........
كملتي طول الليل زنين

ايمتى تقسم لملاقاه ........ عزيز كلا جوفى بغلاه

ايمتى يا عين اتلميه .......
دمعك هلي بوزعتيه

ايمتى عمرك درتي ناس ...... وماجاء في جرتم يأس

ايمتى عقلي عمره جم ....... علي طاري مافيه اقدم

ايمتى يالقديم وراك ........ لقطنا جره والقيناك

ايمتى يا دار المرهون ........ نلقو فيك ارياح العون

ايمتى يا القديم اترد ........
غلا طامرلك مالاحد

ايمتى ريحتك ياعين......
بلا قولة غيابي وين

ايمتى يالقديم اتجيه.......
الخاطرمن داك اتداويه

ايمتى يفزع قسم العين.....
يجيب غوالي منحازين

ايمتى يالقديم اترد.....
علي فاهق مابا ينسد

ايمتى يالقديم انسيك......
العقل ايسايسني وايجيك

ايمتي يالنصيب اتجيب........
الي ذوب كبدي تذويب

ايمتى عمره صار بكا........
ونا قتلك ياعيني لا

ايمتى صارت فى اى سنين.......
الدمع ايجيب اللى غايبين

ايمتى عمره عقلي راق.......
مسوس من ساعة لفراق

ايمتى يامواهيم ديار ......
تردن مليوجات عمار

امتى نشوفك بعويناتي…....
نشكيلك من مر حياتي

أيمتى يا غالى نلقاك .......
انحيد اريافى نا وياك

ايمتي عمره نومه جاه......
الغافي والعياط حذاه

ايمتى ياعيني تنسيه.......
قديمك بعياله ريتيه

ايمتى تطفى نار قدم......
الي مانزها كان بهم

ايمتى وايمتى وايمتى......
تطفي بيك كبدي لوعتى

ايمتى يقسملك ياعين......
بعد لوعه وفراق سنين

امتى وايمته وانظروين.......
اتروح ياغايب عالعين

غير امتى ياشوق بعيد .......
اتروح كيف هلال لعيد

امتى يا العزيز تفض......
البكيه واللوعه ومرض

العين ايمتا دارت راي.......
القبتا باهي في ممشاي

ايمتى جينا شور الدار ........
ومادارن لنظار نهار

ايمتا عمرك درتي راي......
او ما شمتي في اعداي

ايمتى نبقى نا وياك.......
بعد ياس وطولت مرجاك

يالقديم مغير ايمتا......
تبرم ع العين تسكتا

ايمتى يا عقلي نلقاك......
بلا دمعه و اسمور وراك

ايمتى نفتكوا مالياس......
طرابا نبقوا كيف الناس

ايمتى ريحتك ياعين.....
بلا قولة غيابي وين

ايمتى تفتكي مالياس.......
ويبقى كيفك كيف الناس

ايمتى يصفن ياللولاف.....
انياكم لنا‎ ‎موش انظاف

ايمتى يامرهون علي......اتدز بقولة نا فاضي

ايمتى عمري درت غلا......وماتمالي فطع الوا

ايمتى تنوي نمشي بيك.......
انرودلك داراتواتيك

ايمتى يا القديم دناك.......
يصير انحوددبه مرجاك

ايمتى جيناشورالدار......ومادارن لنظارمدار

ايمتى غير ايمتى دار.......
فديم الطوله في لنظار

ايمتى نعمر نا وياه......
قديم انسدوا باب خطاه

ايمتى نلقوا نا وياك......
غلاء كيف غلانا هاضاك

ايمتى طرطشتي لبذار.......
و لميتي ياعين غمار

ايمتى عمرك درتي ناس......
و ماجاء متكفيهم ياس

ايمتى في لوهام ابكاك........
ايفض ونقدع نا وياك

ايمتى ياعيني خطيوك........
اقدم حتى فالنوم ايجوك

ايمتى ياعقل المرسل........
ايجيك بلاقولة مازال

ايمتى ياغالي مسداك........
يتم علي دينابرضاك

ايمتى ياقسم اترضيه.........
الخاطر ياما صايرفيه

ايمتى ينساه وينساك.........
الخاطر يالقديم خطاك

ايمتى يالقديم انياك........
تصفى و نجاروا لدناك

ايمتى غفيتي ياعين..........
و ما هفوك المرهونين

ايمتى عمرك درتي راي.........
و جاب اللي متموح جاي

ايمتى دي الناس اخطيك..........
انقحز بك ع الدوج ايجيك

ايمتى من يالاه تحز.........
اللي تما يكرب فالعز

ايمتى يللي دارك موح..........
اتجي واتداوي في جروح

ايمتى يالقديم انسيك..........
العقل ايسايسني وايجيك

ايمتى ياعيني خطيوك.........
اقدم حتى فالنوم ايجوك

ايمتى تستاسع ياضيق........
غلبنا حتى زمط الريف

امتى يالبعيد تجيه ..........
تهني الخاطر وتسليه

الرجوع الى أعلى الصفحة اذهب الى الأسفل
بسمة أمل
مدير
مدير
بسمة أمل


انثى عدد المساهمات : 2663

ايمتى Empty
مُساهمةموضوع: رد: ايمتى   ايمتى I_icon_minitimeالخميس يوليو 15, 2010 6:23 pm

تسلم على المجهود المميز

مانتحرم من مجهودك الرائع دوما

الله يعطيك العافيه

إحترامــــى
الرجوع الى أعلى الصفحة اذهب الى الأسفل
العمدة

العمدة


ذكر عدد المساهمات : 1099

ايمتى Empty
مُساهمةموضوع: رد: ايمتى   ايمتى I_icon_minitimeالخميس يوليو 15, 2010 6:31 pm

سندريلا كتب:
تسلم على المجهود المميز

مانتحرم من مجهودك الرائع دوما

الله يعطيك العافيه

إحترامــــى






سندريلا
مشكورة ع المرور
تقبلي تحياتي
الرجوع الى أعلى الصفحة اذهب الى الأسفل
????
زائر




ايمتى Empty
مُساهمةموضوع: رد: ايمتى   ايمتى I_icon_minitimeالخميس يوليو 15, 2010 7:59 pm


العمدة
يستر الله من لقدم
مشكور بارك الله فيك
الرجوع الى أعلى الصفحة اذهب الى الأسفل
العمدة

العمدة


ذكر عدد المساهمات : 1099

ايمتى Empty
مُساهمةموضوع: رد: ايمتى   ايمتى I_icon_minitimeالجمعة يوليو 16, 2010 9:59 am

فدوى كتب:

العمدة
يستر الله من لقدم
مشكور بارك الله فيك



هههههههههههههههههههههههههه

فدوى
مشكورة ع المرور

تقبلي تحياتي
الرجوع الى أعلى الصفحة اذهب الى الأسفل
 
ايمتى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: (*·.¸منتدى الأدب والشعر والخواطر و القصص والروايات.¸.·*) :: شتاوي-
انتقل الى: