عبدالكافي البرعصي

عدد المساهمات : 1099

*عبد الكافي * *
الدار يالعين اعزاز خلوها تستاهل ابكا
* * *
ننهى العين نيين اتريض نلقى العقل مافيه شي عزا
* * *
مازلت ما عزيز انسيت وما من اللي شاخت علي
* * *
انقول ابردي يا نار بكيت ع الغلا ساعة الخطا
* * *
رحلاني لدار عزيز ايباتن حجير ويجهمن
* * *
اجبرك نوم جوك منام كملت ليلتك غير حايسه
* * *
بعده ماهواكن نوم عزيز ياقليلات الهنا
* * *
ع الدنو نا اللي وانيت يا عزيز راني امسامحك
* * *
اعزاز نين ضاع الدنو متهوم فالخطا نا وهم
* * *
انحايل علي لنظار وعارف انا داهن اقدم
* * *
خايف دناه ايضيع عزيز يا للي نشكيلكم
* * *
امعوزل وراء مرهون ديما رحيلي يدقل
* * *
اوما عمرني خطرت انغفي نيين يا غالي اتجي
* * *
دواء الجرح يا القديم بلا جميلتك ساع ناجده
* * *
ايمتى الدمع جاب عزيز يالحايسه ديمه علي
* * *
يا ريت الغلا ما صار اللي عواقبه صار الخطا
* * *
غزايت غلاي خذوه اجبرت نا ولولاف سلموا
* * *
ما امغير موحهم لولاف ما من مشاغيل عندنا
* * *
ابكاك ما يريد ايجيب عزيز يلي حايسه علي
* * *
نداوي اهموم بصبر وننسى عزيز كي ياسي اكتب
* * *
ابكا احنن ومكيونات ابكاي في نها اغيابهم
* * *
مكيون من اغياب عزيز يا بال يجرحولي ع البكا
* * *
اللوم حاطه ع القسم بعد عزيز ماشوره جبد
* * *
يستاهل عزيز ادموع والغاية تباكيتن اشوي
* * *
علي عزيز يالنظار من غير البكا ويش عندنا
* * *
خلاكن وخلاني عزيز يا امواهيم وينهوا
* * *
وباتن مواير كبر وضاعن علي ما من غلا
* * *
ايام يا عزيز العمر قضيتن امراجاه في الغلا
* * *
تستاهل ابكا ديمه سهرايه غلاكم يا قدم
* * *
انصيد عافية فالدار وانحوس كي انخاطاها اشوي
* * *
حتى ولوهام ظلام من والج انجي نا برادتي
* * *
قبصت نار مرهونيين ورخيت خطوتي نين لهلبت
* * *
اختاروا غبيط النوم وخطروا فيه قلاله الهنا
* * *
قوللي انعدي وين كثرن مطالبك ياالحايسه
* * *
اما عزيز ترجي فيه واللا غلا اتريد دورته
* * *
عزيز قبلها بايام قطعت رجاه حلمي جابلي
* * *
كلى عمرنا مرجاك ويا عزيز ما صار الدنا
* * *
ملايا امواقيها علي عزيز تبكي انريدها
* * *
انقول عارفك يا داي جياب النبا جا عل الوجع
* * *
كم شاطب ايريد ادموع قجاج غير ما عاد عندنا
* * *
اعللي غيهبوني فيه جديده وقالوا فايته
* * *
طارد عزيز نصيب انسي العقل وارضي بعازته
* * *
النقص هو لي واعر مو مكيد دورك يا غلا
* * *
مهما انقول يالقديم اتهون بسوايا ما اتجي
* * *
انبات ناللي مديون حتى وانت مو داير اشوي
* * *
الليل ناخذه تستيه نرجو النوم وايجوني اقدم
* * *
لا قبل لا تالي مطراي فالغلا ما اطري لحد
* * *
لطوني علي دنواه ضروني عزيز ادمايته
* * *
نقضيه يال عزيز وراك عقاب عمر وايش انديربه
* * *
عقابه افضي لعزيز أول العمر في حاله مشى
* * *
رديت لوراء يا عين من دور الغوالي سدني
* * *
غلا عزيز مو مطلوق رماتا بعد واجد عدد
* * *
اخطيت يا عزيز غلاك تمويح الميوحا جابني
* * *
يا ريتنا نهار خطاك متن عليك يا صاحب الغلا
* * *
الكيد فالغلا والعزل مقسوم جا علي وع القدم
* * *
نار القديم اعلقت عوينها امغطي جمرها
* * *
ايموت ركن يولع ركن اندثمروا فيك يا نار القدم
* * *
خلاني انخاطي اعللي صهيد نارهم ياخاطري
* * *
شكيت للقدم م النار جروني وجابوني لها
* * *
غيات في عقاب العمر خفاتني ونا ماني لهن
* * *
ايام الدلال اخطرن بلا عزيز ماعاد نقدروا
* * *
ما ايطيقن اغياب نهار الغالي عليه ايرايفن
* * *
لنظار واخذات عليه بلا عزيز ماعاد يقدرن
* * *
تبريهن إلا ملاقاه خايف ايموتن م الرجا
* * *
اتموتي ابداك احذاي ريتي عزيز لولا امرامقه
* * *
اوما من خطا دارا على عزيز لومانكن احنن
* * *
انسيت ياقليل الخير بعد الله ماراد هكذي
* * *
لوكان ساتره مولاه عزيز راه عذراً جاب لي
* * *
ان دام هضا ديدانك بلا دموع ياعين تقعدي
* * *
خلاني عزيز خطاه افكاري ايغيبن يحضرن
* * *
عزيز سادني يا عين ماني امبجد فالغلا
* * *
واليوم اقدعي يا عين بكيتي واجدن في اديارهم
* * *
مليت م البكا ف الدار انداجي ادموعي خير لي
* * *
عليهم انكان اعجبك قجي ادموع لا تاوي عليّ
* * *
ثمانية وحايل عام غلاك ياللي ما اقسمت لي

مدير عدد المساهمات : 2663

تسلم على ما قدمت لنا

بارك الله فيك

مع خالص شكرى وتقديرى

عدد المساهمات : 3

شكرا لك علي ماقدمت

عدد المساهمات : 9

تسلم إيديك
العمدة

عدد المساهمات : 1099

سندريلا كتب:: تسلم على ما قدمت لنا

بارك الله فيك

مع خالص شكرى وتقديرى

سندريلا

مشكورة ع المرور

تقبلي تحياتي

عدد المساهمات : 1099

enas كتب:: شكرا لك علي ماقدمت

enas

مشكورة ع المرور
تقبلي تحياتي

عدد المساهمات : 1099

أميرة زمانى كتب:: تسلم إيديك
العمدة

اميرة زماني

مشكورة ع المرور

تقبلي تحياتي

» عبدالكافي و مراد البرعصي
» شتاوي للمرحوم (عبدالكافي البرعصي)