بسمة أمل
مدير
 عدد المساهمات : 2663
 | موضوع: شتاوي للمرحوم (عبدالكافي البرعصي)  الخميس مايو 13, 2010 3:13 pm | |
| شتاوي للمرحوم (عبدالكافي البرعصي)
ننشد في جياب فتاوي .. قال انظرهم في اي جلاوي
كان ابكاك ايداوي عقلي .. ليل نهر عليه ادقلي .
ملي داروها في الخاطر .. ديما يا عقلي تساطر
ننشد في فسار منامي .. قال ابكي ما فيه قسامي
ننشد في قراي الكف .. عللي لا خاطر لاهف .
ننشد في تقاز انحايل .. ع الغالي ماجاب دلايل
ننشد في جياب فتاوي .. قال انظرهم في اي جلاوي
شكيت التقاز او براج .. عللي في قسمي نعواج
غالي دار غلا من يالا .. لليوم ايجرم في حالا
طرواهم ع الياس يضرك .. ضني خير ابكي في سرك
تنويعك يا عين ايضرك .. ع المرهون ابكي في سرك
ياجياب نبا فرقاهم .. ياريتك عديت امعاهم
اتسوتيهت لوهام علي ,, مرض لكن ما يقتل شي
ننشد في فسار منامي ,, قال ابكي ما فيه قسامي
ننشد في جياب فتاوي .. قال انظرهم فاي جلاوي
كان ابكاك ايداوي عقلي .. ليل نهار عليه ادقلي
دسايس عقلي مالاحد .. عليهن كيف انريد انبد
ماملي في عقلي صارت .. لكن وارينا او توارت
كثرن ياعين مشاكينا .. موش امغير علي غالينا
حتي كان عزيز اسبابي .. ماملي في عقلي غابي
كيف العين انريد انبكي .. بيها ع لوهام انتكي
ياما ع لولاف انعدو .. غير عليش انريد انبدو
ننصح فيك علي حالاتك .. مرهون امطول عازاتك
طاري جاب قديم الطاري .. حطيت الكيد علي انظاري
صوب قديم ايام شبابي .. درته في لخرين انزابي
درت عويل ونحنا درنا .. يامرهون وفي خاطرنا
وين علي لوهام انخرف .. يبقي ماقيها يظرف
كل خيال انقول اولافي .. طايل في لوهام اريافي
جرحي فيه دسيسه شينه .. كل نهار ايزيد علينا
ليله في ليله في ليله .. دارن ع لولاف طويله
عدل سابقا من قبل سندريلا في الخميس مايو 13, 2010 3:22 pm عدل 1 مرات | |
|
الفهد
 عدد المساهمات : 1389
| | موضوع: رد: شتاوي للمرحوم (عبدالكافي البرعصي) الخميس مايو 13, 2010 3:16 pm | |
| | |
|
