الرئيسيةالتسجيلدخول
منتديات ليبيا توب نلتقى لنرتقى إدارة المنتدى

شاطر | 
 

 مسجات منى لكم تفضلوو,,,,,,,,

اذهب الى الأسفل 
كاتب الموضوعرسالة
بسمة أمل
مدير
مدير
avatar

انثى عدد المساهمات : 2663

مُساهمةموضوع: مسجات منى لكم تفضلوو,,,,,,,,   الجمعة مايو 07, 2010 3:17 pm


الخاطر معاك يروق ينسا اسمه يشوف الحياه حلوه وفيها البسمة









الخاطر عالنقال عيونه جن جنونه ايراجي في رنات حنونة










دقه دقه العين طالبة مني العزيز اتحقه لو يزمان تعود نجاك دقه دقه










عليه نمسي يلي خاطري يعزه معزة نفسي نبع الغلا و الدوق عليه نمسي












داير هزه بابه تخلخل نقصاته رزه قلبي عليك اليوم داير هزه










ياجارحنا نسيت الغلا نسوك حتى نحنا زايد علينا بيش ياجارحنا










فراق الغولي و الزمان الغابر مقدرتهن لاكن عليهن صابر












داير جوء ننسوك ياغالي بعيد السوء خلكم معانا دوم داير جوء....










فاقد حسه ليه زمان لاصبح عليا لا مسى الله يدكره باالخير فاقد حسه












قطره قطره لابس غلاكم توب وانتم عطر يفداك دم القلب قطره قطره..












لا عيب درنا ولا بخلنا بود امغير بخت ماينشد علينا حد ..........












الله لا يغيبهم اللي ينشدو من غير من عاتبهم غوالي علي الله لا يغيبهم...












النوم و الهناء الشوق مايتلقو وين الهناء كان العيون اشتاقوا...














ترفع رموش الشوق وطيها يسيل دمعها يخطر عزيز عليها.....












كيف انطوله طلبت العزيز وشبكته مشغولها نريد نشدو عاالحال....














العين رايفت وياما عليكم رنت تردوا عليها ياعزاز تمنت.............










في القلب ساكن وفي العيون انشيلك مرايف عليك العقل مانحكليك...










من غيركم حتا الذهب ما يسوى ومن غيركم العسل يبسال ومحال تاخدني عليكم
نسوى يلي سكنتم خاطري و الابال سوى حلم و علم ولا غفوه انتم خوتي موش طيف
خيال .....












الو.. الو... ايوه ..تسمع فيا يلي خديت العقل رده ليا بلاش لخبطه......










فيه خطوره يسب عطل للقلب صوت وصوره غيابك عليا يوم فيه خطوره..












موش اخسارة انذز السلام ونزيد في تكراره فيكم يا عزاز على القلب..












لمحه لمحه مشتاق يبو ملامح سمحه انريد شوفتك باالعين حتا لمحه .....










فيه مضره اتجيبه الجزيره وليبيا والحره خبر غيبتك عاجل فيه مضره










وحشك وبعدك زاد ضيق الخاطر بلا وعد مني دمعتي تتقاطر...............












ماني راقد مرايف علي شبحه وحسه فاقد يارقدين اليل ماني راقد.....












سؤال؟ كان غاب عن عيني عزيز انوده حبل الغلا نرخيه والا نشده الجواب\ حبل
الوفاء بالحيل نمسك فيه وان غاب عن عيني عزيز ودوم يبقى صاحبي وفيه
الشده... ... ...










عندي عين ما ترقد اليل رفيقة دمع حرفتها بكا وعندي قلب مجروح و عليل نزيفه
زاد وما فاده دواء وعندي روح رغبتها الرحيل بعد الولاف ماتريد الحياه......












امغير تبقى راضي نسيب الدواء و يبرن جميع امرضي الاجفاك مانحمله




يلي عليك خدينا و يلي غلاك شابه غلا والدينا الله يحفضك ..... ... ..














داير عليك اكبيده ومازال ياغالي غلاك انريدهحتي بقسوتك مازال داير عليك اكبيده....




مره مره يدردر شراب العين ويطلع بره علي ناس فرقاهم عليا مره ..


















بالككافي ....؟الياس والرجا وغيبتك وريافي واجد عليقسيت.. بالك كافي












فاقد غلاك وخاطري متضايق .. بعد غيبتك كيف يمسى الخاطر رايق .. دقيتهاتفك
ما قصدي إزعاجك فاقد غلاك والقلب داعيلك وين ما أتخطى الخيرإيجيلك

الرجوع الى أعلى الصفحة اذهب الى الأسفل
بسمة أمل
مدير
مدير
avatar

انثى عدد المساهمات : 2663

مُساهمةموضوع: رد: مسجات منى لكم تفضلوو,,,,,,,,   الجمعة مايو 07, 2010 3:26 pm

[center]شاور شيره . بالك انقولك فيها خيره . إن كان نويت الهجر شاور شيره .

تقاوا سمه . أتقول مدمن على هيروين أنريد أنشمه . غلاك ياغالى تقاوه سمه .


حفنة حفنة القلب ما ينساك غير بدفنه ديما غلاك إيزيد حفنة حفنة .


ويش ايحزه بقيتوا علينا زايدين معزه غلاكم سكن في القلب ويش ايحزه.


أنشوفك لمحة ..مشتاق خاطري يا بوملامح سمحة ..صبري كمل نبي أنشوفك لمحة.


قطرة قطرة نحساب الغلا ساهل إيجي بالفطره سقاني مرار الصوب قطره قطره .


دقة دقة بخته عطيب القلب كان إتحقه خلك عليه حنون دقة دقة


كله ؛ كله .. لانريد غيرك لاغلاك أنمله واخد القلب معاك .. كله ، كله


نص بنص لا درت غيرك ولا غلاك أنقص قاسم معايا الروح نص بنص


بلاك دقيقه... اعزومي على صوبك الحق رقيقه ماقدرت ولانقدر بلاك دقيقه.


راني حي لكن بلاكم ما نساوي شئ ..لوتنشدو عالحال راني حي .


فيك أنفكر ولنقاني جوي بلاك أمعكرعزيز وغالي وأنت بعيد وأنا فيك انفكر .


ماتنسيهم خوذي العمر كله ارياف عليهم غوالي نحبهم ياعين ماتنسيهم.


ماهو رايق لاعاد طاق الناس ولاعاد روحه طايق الخاطر بلاك اليوم علمه ضايق


ندفن حسه و نقطع عروقه ونقتله و اندسه قلبي ان كان يوم نساك ندفن حسه .


مو عاجبها-تضايق احسبها كيف ماتحسبها غيابك عليها العين مو عاجبها.


من يقدرها..؟ هجرة طيور غلاك ياموعرها .. بعد سكنتك في القلب من يقدرها .


شن درتلهن عليك ينشدن يلي جفاك قتلهن لنظار رايفن بلحيل شن درتلهن.


طشه طشه أسمك عليه القلب كان تخشه تلقى غلاك يزيد طشه طشه .


كيف العاده مازلت للخاطر زها ميعاده غلاك نبع ماينزح ايزيد ازياده .


نبي قربه عايش حياتي في ظلام وغربه الخاطر أيجض أيقول نبي قربه .


مره مره عندي العقل متكدر وكامي سره ارجوك ياعزيز أترن مره مره .


خطوه خطوه راهوالغلا كالصيد يبي سطوه غير ساعدي ياعين خطوه خطوه .


عاليين القيمه مهما علينا تبعدو فالقلب تبقو ديما أمغير تسلموا عاليين القيمه .


ضربه ضربه.. عايش بلاك العمر هم وكربه وأنت غيابك سم ضربه ضربه.


فاقد حسه. عزيز له زمان لاصبح علي لا مسي الله يذكرا بالخير.. فاقد حسه.


غادي غادي. يلي معاك الوقت ماهو عادي.. قاعد أحداك ا لعقل غادي غادي .


كيف الكسوف الكلي بلا شمس دنيتنا عزيز امخلي نهار غيبته كيف الكسوف الكلي .


مابا يبري ناقشينة نقشة نفايل ببرة اعزاز جرحهم في القلب مابا يبرى .


ما تنسيهم خوذي العمر كله ارياف عليهم غوالي انحبهم ياعين ماتنسيهم .


ماهي نسوه. مازلت في عيوني كبير وتسوي كاني عليك إلهيت ماهي نسوه .


ماني شوره ايجي في منام العين صوت وصورة حتي والعزيز بعيد ماني شوره .


ماننساكم وبالحيل خاطري امرايف علي ملقاكم حتي لو عليكم غبت ماننساكم .


ماننساك ساكن أرموش العين طيف غلاك ننسى جميع الناس ماننساك.


مش ناسيكم . نأخذ الليل اسمور أمغير عليكم . امقصر صحيح لكن مش ناسيكم.


مو عاجبها . تضايق احسبها كيف ماتحسبها غيابك عليها العين مو عاجبها.


هيا هيا سيب جميع الناس واشقي بيا. ميت عليك ارياف هيا هيا .


هوا هوا.غلاكم اللي في قلوبنا من جوا. كان ماكبر مازال .هوا هوا.


ماهو بطوعى . غلاكم تمكن فى صميم ضلوعي . ناخاطرى مشتاق ماهو بطوعي .


رن وسكر . على قلب يحلم بيك وفيك أيفكر . ماتخاف أنحل عليك أمغير رن وسكر .


كيف الصينى ضاقت بلاك العين ياناسينى . فى غيبتك تميت كيف الصينى .

[/center]
الرجوع الى أعلى الصفحة اذهب الى الأسفل
الفهد

avatar

ذكر عدد المساهمات : 1389

مُساهمةموضوع: رد: مسجات منى لكم تفضلوو,,,,,,,,   الأحد مايو 16, 2010 9:26 am

مشكوره ودمتي بخير

الرجوع الى أعلى الصفحة اذهب الى الأسفل
امل الحياه



انثى عدد المساهمات : 3

مُساهمةموضوع: رد: مسجات منى لكم تفضلوو,,,,,,,,   الإثنين مايو 17, 2010 4:46 am

منورة على المسجات الحلوة يا عسل
الرجوع الى أعلى الصفحة اذهب الى الأسفل
 
مسجات منى لكم تفضلوو,,,,,,,,
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: (*·.¸منتدى التقنية والكمبيوتر والإنترنت والموبايل.¸.·*) :: قسم النقال-
انتقل الى: