الرئيسيةالتسجيلدخول
منتديات ليبيا توب نلتقى لنرتقى إدارة المنتدى

شاطر | 
 

 حوار بين المرحوم عبدالكافى البرعصى وعوض الفاخرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: حوار بين المرحوم عبدالكافى البرعصى وعوض الفاخرى   الإثنين أبريل 19, 2010 7:56 am

عوض :

واطي فالنار وحاملها .... خايف قولة يستاهلها

عبدالكافي :

واطي نار عزيز وخايف ... من قولة عالدار امرايف

عوض :

اجحود النار القيته راي ... هونلي من تشميت اعداي

عبدالكافي:

كان اقدرت اتواري ناره ... حتى لو ماعد تذاره

عوض :

عزيز اطلق نيران علي...ابقيت عديم وبات بري

عبدالكافي :

ياجر العين امداعينا ... شور النار اتلذع فينا

عوض :

درتيها ياعين جريمه ... حاييتي نيران قديمه

عبدالكافي:

بري لاعقلي لالنظار... اشتركن في تكواي النار

عوض :

عزيز كبرها كبرت حر... بعد كبرت ناره وخر

عبدالكافي:


راي عطيب كبرتي ناره... هلي جن تمويح ادياره

عوض :

ماقتلك من يوم خطاهم ... طفينا نيران غلاهم


عبدالكافي:

نار غلا مانك قابسه ...من حاشن مالذع اتحسه

عوض :

ايام شكيتي مالنيران ... هذكي وان وهضا وان

عبدالكافي:

نار غلاك اخطيت صناها ... لكن نا قاعد يالاها

عوض :

ماقتلك ياما جضينا .... غير اليوم اعزوم القينا

عبدالكافي:

كي ننسى مانبقى قايس ... نار اللي في عقلي حايس

عوض :

مقعدنا عالعين كبيره... خان عزيز انديروا غيره

عبدالكافي:

كان انسيت عزيز ابسيه ... نبقي ماني داير غيه

عوض :

من يوما خانوا الغوالي ... ماوالي ممسوك بوالي

عبدالكافي:

ياناري ياطول اريافك... غاليت وفارقت اولافك

عوض :

امغير اسمله عالمشتاق... بعدهم والفنا لفراق

عبدالكافي:

يلي والفتي واعزلتي .... كيف بلا لولاف احملتي

عوض :

مامن زول احملت افراقه ... ماني عالولاف الصاقه

عبدالكافي:


هو امس وحالك من حالي... كيف اتقول انسيت غوالي

عوض :

القينا نا والعين اعزوم .... هذكي يوم وهذا يوم

عبدالكافي:

يلي قدامي تصدع ... نسواك الغاليك اتبدع

عوض :

امغير امتى جيتك شكاي ... سعته والنيران امعاي

عبدالكافي:

ماكنت اتشاكي عالغالي ... سداي وقلاع توالي

عوض :

ياما في اللوعه مضت .... وانسيت المرهون وفضت


عبدالكافي:

سوك راح انسى الغوالي... حتى نا ماعندي والي

عوض :

بعد تما خارب مسداك ... تعال انسدي ناوياك

عبدالكافي:

ماعندي فالصوب مسايج... غياتي تزويق حجايج
الرجوع الى أعلى الصفحة اذهب الى الأسفل
الفهد

avatar

ذكر عدد المساهمات : 1389

مُساهمةموضوع: رد: حوار بين المرحوم عبدالكافى البرعصى وعوض الفاخرى   الإثنين أبريل 19, 2010 4:15 pm

امنور يا المدهم ودمت بخر
الرجوع الى أعلى الصفحة اذهب الى الأسفل
بسمة أمل
مدير
مدير
avatar

انثى عدد المساهمات : 2663

مُساهمةموضوع: رد: حوار بين المرحوم عبدالكافى البرعصى وعوض الفاخرى   الثلاثاء أبريل 20, 2010 5:13 am

يعطيك العافية عالأختيار

إحترامـــى

الرجوع الى أعلى الصفحة اذهب الى الأسفل
العمدة

avatar

ذكر عدد المساهمات : 1099

مُساهمةموضوع: رد: حوار بين المرحوم عبدالكافى البرعصى وعوض الفاخرى   الإثنين يونيو 07, 2010 11:01 am

ينقل للقسم المناسب
العمــــــــــدة


الرجوع الى أعلى الصفحة اذهب الى الأسفل
 
حوار بين المرحوم عبدالكافى البرعصى وعوض الفاخرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: (*·.¸منتدى الأدب والشعر والخواطر و القصص والروايات.¸.·*) :: شتاوي-
انتقل الى: