الرئيسيةالتسجيلدخول
منتديات ليبيا توب نلتقى لنرتقى إدارة المنتدى

شاطر | 
 

 حوارية بين الشاعر ناصر الفاخري والشاعر محمد قاسم القطعاني

اذهب الى الأسفل 
كاتب الموضوعرسالة
بسمة أمل
مدير
مدير
avatar

انثى عدد المساهمات : 2663

مُساهمةموضوع: حوارية بين الشاعر ناصر الفاخري والشاعر محمد قاسم القطعاني   الجمعة أكتوبر 15, 2010 4:38 pm



حوارية بين الشاعر ناصر الفاخري والشاعر محمد قاسم القطعاني



ناصر الفاخري

تحايا نزيف جرحهم يا محمـــد... ومابــا يهمـــد ... تعال ضمدا كان تعرف تضمد
تحايا نزيف جرحهم يا احميده ...جيب الضميدة ...وداوي نزيف جرح كاثر صديده
حتى والنجا فيه باتت بعيدة ... نريدك اتلمد .... عليه الدوا نين دمه ايجمد





محمد قاسم القطعاني
وايش خطرا مو امهمد سطيرة ... وفاك الجبيرة ... قديم عهدنا بيك ملهي بغيره
اسحا تكون حنيت من غير شيرة ... وجيته اتعمد ... علي كل نهاي ذانك امصمد



ناصر الفاخري


تحايا نزيف جرحهم ناس كانوا ... تحلف انعانوا ... انهانوا وما هنت لكن انهانوا
حسيتم وما خبت للغير لانوا ... كلامهم ترمد ... معانا بعد كان كيف المغمد


محمد قاسم القطعاني

تحايا نزيف جرحهم وايش حايا ... وكيف الحكاية ... احكيلنا امعاك نصدقوا فالنوايا
اجروحك الي قبل كانن برايا ... نحاول انكمد ... والي مالنوارين نقدر انخمد




ناصر الفاخري

تحايا نزيف جرح غالي توارى ... وقطعن اخبارا ... كمين حايلة
بين داري ودارا
ما مالغلا حصتي غير نارا ... دخانها امعمد ... جابت جميع العدو والمحمد


محمد قاسم القطعاني
تحايا نزيف جرحهم من طراهم ... احملنا بلاهم ... وهاين بلا عيب مالعقل جاهم
غلاهم وما كنت نحسب غلاهم ... يموت قبل يمد ... ربي بالاحسان روحه تغمد


ناصر الفاخري

تحايا نزيف جرح يوم الوداع ... وساعة اضياع ... ونتش الغلا نتش بيد وكراع
تمنيتا فيه جني افزاع ... كتيبة امحمد ... تواطي جميع العلا عالمسمد


محمد قاسم لقطعاني

تحايا نزيف جرحهم عذبوني ... بها يغرموني ... اصحاب الغلا ياثموا عدموني
عليهم تعورت تمن اعيوني ... اعيون المرمد ... وفوادي الي موش ذايب امثمد


ناصر الفاخري

تحايا نزيف جرحهم قبل طاب ... بطعنة احراب ... الي الغيرنا وانسوا فالعقاب
عزيز قلتلا ريض خرب خراب ... وجانا امهمد ... الياس فالغلا شين ضربه مكمد

خلالي السان نار كيف السراب ... صهيدا ايومد ... العامر الي جاه كلا ترمد

تحايا نزيف جرحنا قبل لايم ... اموحل سقايم ...علي ما جرن بالدوا والحجايم
عدا كبير قوم ربي الدايم ... علايل تكمد ... ازاحا بعد عمر قوما تعمد




الرجوع الى أعلى الصفحة اذهب الى الأسفل
سهر الليالي

avatar

ذكر عدد المساهمات : 240

مُساهمةموضوع: رد: حوارية بين الشاعر ناصر الفاخري والشاعر محمد قاسم القطعاني   السبت أكتوبر 16, 2010 12:11 am







يعطيكي الغافيه
تحياتي
الرجوع الى أعلى الصفحة اذهب الى الأسفل
 
حوارية بين الشاعر ناصر الفاخري والشاعر محمد قاسم القطعاني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: (*·.¸منتدى الأدب والشعر والخواطر و القصص والروايات.¸.·*) :: قسم خاص بالشاعر الشعبي محمد قاسم القطعاني-
انتقل الى: